Consumer-te hamṭhatna tur sawiho

State Consumer Protection Council chu nimin khan Food, Civil Supplies and Consumer Affairs minister John Rotluangliana hoin Assembly Annexe-ah an ṭhukhawm a; consumer-te hamṭhatna tur hrang hrang an sawiho.

Meeting-ah hian consumer-te thil hrilh­hriatna atan hoarding signboard siam a, mipui zin veivakte chhiar turin district hrang hrangah siam târ an rél a; radio, cable TV leh DDK-ah consumer-te tana ṭang­kai slogan tarlan tur siam ni se, an ti.

Higher & Technical Education department hnuaia college hrang hrangah consumer awareness inzirtirna pek ni se an tih bakah, Power & Electricity department chungchangah consumer awareness neih an rel bawk.

Meeting-ah hian MLA pali - Lalrinliana Sailo, K Sangṭhuama, Lalrinawma, Lalthanliana-te an tel a; Mizoram Consumer Union, tlawmngai pawl dangte leh department hrang hrang aiawhte an tel a ni.