Court-ah A Sawibunga a inlan

Mizoram Bru Displaced Peoples Forum (MBDPF) president A Sawibunga chu Mizote chungchanga thu dik lo sawia puhna thubuaiah nimin khan Aizawl District Court-ah a inlan.

A Sawibunga hian Mizorama a kal ngam loh avangin Mizoram páwnah a thubuai ngaihtuah a dil a, mahse Gauhati High Court chuan Aizawl District Court-a ngaihtuah turin a ti a ni. Sawibunga hi Court-ah inlan mah se a chungthu ngaihtuah a ni lo a, hming a ziah hnuah Court chuan July 2015-a a thubuai ngaihtuah turin a ti a ni.

YMA sub-headquarters, Mamit chuan Times of India chanchinbuin Bru mi ṭhenkhatte Mizoram aṭanga an tlanchhiat chungchanga thu dik lo hrilhah A Sawibunga an puh a, a lakah Mamit District Copuirt-ah petition an thehlut a ni. Hei vang hian A Sawibunga hi Gauhati High Court-ah a zualko ve leh bawk.