Vantlang thil tihhmélhem khap a ni

Aizawl Sub-Divisional Magistrate chuan thuchhuah siamin, The Mizoram Prevention of Defacement of Property Act, 1995 chuan mipui vantlang hmunhmá leh bungruate tihhmélhem a nih lohna turin a humhalh tlat tih a puang a, he dan bawhchhia hremna tur duan a nih thu a tarlang.

The Mizoram Prevention of Defacement of Property Act hian sorkar/vantlang hmunhmá leh bungrua, in, bûk/thlâm, hriatrengna lung, milim, retaining wall, compound wall, thing, pal, tui pipe, kawngpui leh a dangte zunkhum, chil chhâk, ziah rân, rawng hnawih, thil bel a khap a ni.

Aizawl SDM chuan, dan bawhchhiate chu thla ruk thleng tàntir emaw, Rs. 10,000 thleng chawi­tir emaw, a pahniha hrem kawp theih a nih thu a sawi.