Lawngtlaia MṬKP Inkhawmpui tur sawiho

Central Young Lai Association (CYLA) office bearer leh Mizoram Ṭhalai Kristian Pawl (MṬKP) Inkhawmpui 2016 Organising Committee-te chuan, nimin khan nakkuma MṬKP Inkhawmpui neihna tur CYLA khelmual panna kawng ṭha zawk neih theih dan tur an sawiho.

CYLA hruaitute chuan, Lawng­tlaiin MṬKP Inkhawmpui 2016 a thleng tur chu lawmawm an tih thu sawiin, inkhawmpui hlawhtling tak a awm theihna turin CYLA ang pawha hmalak an inhuam thu an sawi. Inkhawmpui hma ngeia NH-54 ṭha zawka siam a nih theihna tura hmalak zel an tum thu te, faina kawngah nasa zawka hmalak ṭha an tih thu an sawi bawk.

MTKP Inkhawmpui 2016 Organising Committee-te'n inkhawmpui neihna hmun CYLA playground tihchangtlun a nih theihna tura hmalak kawng hrang hrangah thawpui tura an ngenna chu CYLA chuan an pawm a ni.