Sialsuk tlangah mi pahnih tla; pakhat thi

June 25, 2015 zan khan Sialsuk tlang khâm­ah Thanchampuii (25), Thingsulthliah leh Eddie Zorammawia, Ramthar North, Aizawl te an tla a; a hmunah Thanchampuii a thi a, Zoramthara'n hliam na tak a tuar.

Sialsuk aṭanga thu dawn danin, mi pahnihte hi Sialsuk tlanga Than­tluanga kâwn chhak ruam waiting shed bul vel aṭang­in a thlang World Bank Road chunga kawng hluiah an tla thla niin a lang a, an tlâkna nia hriat hi metre 100 vela sang a ni.

Zan dar 7 velah World Bank kawngpui chunga kawng hluiah Sialsuk pa pakhat feh hawin a hmu a, zu rûi chatthla nia a rin avang­in a kalsan a ni. In a thlen hnuah a a ngaih ṭha loin YMA hruaitute nen an en leh a, Eddie Zorammawia hliam tuar leh Thanchampuii thi chu an hmu ta a ni. Zorammawia hi Sialsuk damdawi-ina lak a nih hnuah, Ningani zanah vêk Aizawl Civil Hospital panpui a ni.