Tanhril FCI kudam weighbridge siam ṭha ṭan

Tanhrila Food Corporation of India (FCI) kudama weighbridge dik lo nia sawi chu a siamtu company technician-in nimin khan siam ṭhat hna a thawk ṭan.

Aizawla FCI hotute sawi danin, Tanhril kudama weighbridge chu a dik lo nia sawi a nih veleh a siamtu company, Liotronics Scales Pvt. Ltd. an hrilh nghal a, Liotronics Scales chuan Guwahati-a regional office aṭangin a siamṭhatu tur technician, Rohit Saikia an rawn tír nghal a ni.

Tanhril kudama weighbridge dik loa an hriat avangin Mizoram Truck Drivers Association chuan June 24, 2015 aṭang khan buhfai an phur duh lo a ni.