MAHCO-in assembly an hmang

Mizoram Apex Hand­loom and Handicraft Cooperative Society Ltd. (MAHCO) chuan nimin khan Aizawla IPR Conference Hall-ah General Assembly an hmang a, Cooperation minister Lalrinmawia Ralte-in a hmanpui.

Lalrinmawia Ralte chuan, Mizo puantah thiam­te kutchhuak pholan a, chawi lâr thiam a ṭul thu sawiin, "Kût ní vângthla chauh emawa phawrh lo hian hmun tinah darh se a ṭha. An inngaihsansiak emaw tih mai tura khaw­vel hmun danga tribal-te incheina a darh mek lai hian, Mizo hnam incheina hi khawvel hmun dangah chawi lâr ve kan tum tur a ni. Kan roh luattukna lamah a lâr lo zo ang tih a hlauhawm," a ti.

Assembly-a an tarlan danin, tun dinhmunah Mizoramah handloom cooperative society 194 a awm mek a, chung zinga 77 chu MAHCO-ah an inziak lut.