Pawl 3 thisen pe

Tlungvel Bial KṬP chuan Tlungvel Venghlun Kohhran biak-ina kum chanve intawhkhawm an neih mek pualin Inrinni khan blood donation camp an huaihawt a; Synod Hospital tan thisen unit 67 an pe a, a petute mipa 62 leh hmeichhia panga an ni.

Inrinni vek khan Chhinga Veng YMA-in Aizawl Civil Hospital tan thisen unit 78 an pe a, a petute mipa 59 leh hmeichhia 19 an ni.

Salvation Army Youth, Tuikual Corps pawhin July 1-a an kum 25 tlin lawm nan Aizawl Civil Hospital-ah thisen unit 34 an pe a, a petute mipa 26 leh hmeichhe pariat an ni. Tuikual Corps SAY hian Aizawl Civil Hospital-ah hian ṭhutthleng paruk an pe bawk.