Kelkangah vawk vulh tur sem

Sorkarin Kelkang khaw tana a bika ṭanpui­na a semah, Inrinni khan vawk vulh thlang thei tura inhriattir mi 216 hnen­ah vawktê pahnih ṭheuh pek a ni.

Vawkte sem inkhawm hmanpuitu Champhai DC H Lalengmawia chuan, sorkar ruahmanna siam chu tihpuitlin ngei an duh thu sawiin, "A bika ṭanpuina sem tur hi tlak thuai turin sorkar lam chuan theihtawp a chhuah a, khawtlang hruai­tute leh mipuite ṭawi­­awmna a pawimawh a ni," a ti.

Kelkangah Swacch Bharat hnuaia inthiarna unit 200 siam tur hna kalpui mek zel a ni a, Champhai leh a chhehvela kohhran hrang hrangte'n work camp neiin, êk-in khur laih hna an thawk ṭhin a ni.