Court-in Salvation Army thiam a chantir

Kolasib-a Salvation Army aṭanga chhuakte'n Salvation Army bungrua an chuh thubuaiah Kolasib District Court chuan Salva­tion Army thiam a chantir.

Kum 2014-a Kolasib-a Salvation Army buaina chungchangah Kolasib District Court-a senior civil judge Liansangzuala chuan June 25, 2015 khan thuremna a tichhuak a; thubuai thehluttute chu Salvation Army member an nih tawh loh avangin, Salvation Army, Kolasib Corps-a an awm laia bungrua leh pawisa, anmahni duh thu ngeia an lo thawh tawh chu chuh theihna an neih loh thu a puang a ni.

Court chuan thubuai theh­luttu chu mimal, R Kap­khuma a nih avangin pawl aiawha thubuai thehluh theih­na a neih loh bakah, Salvation Army aṭanga chhuakte'n kohhran an din, Salvation Church chu sorkarah ziah luh a nih loh thu a tarlang bawk.