Pâ ei vangin mi pahnih an thi
Saiha district-a Niawhtlang khuaa chhungkaw pakhata chhungkaw pa ber leh nu ber chu pâ (mushroom) ei vangin June 26 leh June 27 khan an thi.
Thu dawn danin, pa ei vang hian Zohmangaiha (32)-te chhungkuaa mi pathum chu June 25, 2015 khan Saiha District Hospital-ah dah luh an ni a, Zohmangaiha chu June 26 zingah a thi. Zohmangaiha nupui Lalchungnungi pawh June 26 zan dar 12 velah a thi leh a ni. An fa naupang ber kum khat mi pawh a nu hnute a hnêk aṭangin a damlo a, damdawi-inah enkawl mek a ni.