Naupang chhanchhuah beihpui an thlak dawn

Mizoram police-a pub­lic relation officer chuan thuchhuah siamin, July 2015 chungin India ram pumah naupang rûkbo leh chhanchhuah ngai dangte chhanchhuahna beihpui 'Operation Muskaan' nei turin an inbuatsaih mek tih a tarlang.

Police PRO tarlan danin, Operation Mus­kaan hi sorkar laipuia Ministry of Home Affairs ruahmanna anga neih tur a ni a; India ram pumah July 1-31, 2015 chhungin neih tur a ni.

Beihpui thlakna tur atan Aizawl district-a police-te leh Mizoram State Child Protection Society ṭangkawp chuan nimin khan Aizawl SP pisa conference hall-ah training an nei a, Aizawl SP C Laldina'n a hawng. MSCPS officer-te leh police officer-te'n thil pawimawhte an zirtir a; beihpui thlak dan tur ruahmanna an siam bakah, dan hriat tur pawimawhte a inzirtir a ni.

Mizoram police leh MSCPS-te chuan, opera­tion chu a hlawhtlin theih nan mipui ṭawiawmna an ngen a; naupang tlahlang, rûkbo a rinhlelh leh chhawmdawl ngai nia hriatte chu police station hnai berah emaw, MSCPS telephone no. 0389-239588 leh Aizawl District Child Protection Unit telephone no. 0389-2391976-ahte hriattir turin an ngen.