Written exam leh interview tel loin SSA-a hna thawk tur lak ṭhin a ni

Mizoram SSA Mi­ssion hnuaia thawk turin tun hnai khan written exam leh interview buat­saih loin mi eng emaw zat lak a nia thu dawn a ni.

Written test leh interview buatsaih loa thawktu tur lak a nih chhan Vanglaini palai zawhna chu SSA hotute'n an chháng thei lo a, sikul hrang hrangah thawktu mamawhna a sàn thu an sawi thung.

Interview leh written test buatsaih loa thawktu an lakte chu ṭum hrang hranga lak an nih avangin an lak zat tak an sawi mai theih loh thu SSA hotute chuan Vanglaini palai an hrilh.

Thu dawn danin, SSA hnuaia thawk tur lakte hi zirtirtu tur leh thil dang thawk turte an ni a; zirtirtu atana an lak zingah Mizoram sorkarin zirtirtu atana lak tura qualification ngai, Teacher Eligibility Test paltlang lote pawh an awm a ni.