Ram neitute duh dan angin Zangnadawmna pek ngai dawn

Bairabi leh Sairang inkara rel kawng siamna atana mi ṭhenkhat ram lakna man turah tun hnai khan Gauhati High Court, Aizawl Bench chuan thutlukna a siam. Court thutlukna avangin ram neitute duh dan angin zangnadawmna pek a ngai dawn.

Thu dawn danin, Sih­hmuia ram neitu mi 34-te chuan zangnadawmna an dawn tura district collector-in a bituk chu tlem an tih avangin Dis­trict Court-a Reference Court-ah an zualko a; Reference Court chuan sq.ft. khat zelah Rs. 60 ni tura district collector-in a ruahman chu ti­danglamin, sq.ft. khat zelah Rs. 200 pek turin thutlukna a siam.

North East Frontier Railways leh district collector chu Reference Court thutluknaah hian an lungawi loh avangin Gauhati High Court-ah an zualko. High Court chuan tun hnai khan thutlukna a siam a, Reference Courts thutluknaah inrawlhna tur awma a hriat loh thu a tarlang a ni.