Ek-in siamsak dan tur sawiho

Champhai District Swachh Bharat Mission (Gramin) Committee chu nimin khan an chairman H Lalengmawia, Champhai DC hoin a pisaah an ṭhu­khawm a, êk-in nei ṭha lote siamsak dan tur an sawiho.

H Lallengmawia chuan, "Ram fai leh hrisel siam tura hna kan thawhnaah a thawktu leh mawhphurtu sorkar hnathawkte leh khawtlang mipui, a tê ber aṭanga a lian ber thlengin rinawmna nen thianghlim taka kan thawh tlan a pawimawh a ni," a ti.

Meeting-a tarlan danin, Champhai district-a thingtlang khuaah chhungkua inthiarna mumal nei lo chhungkaw 821 awm anga chhût a ni a; êk-in ṭha an neih theihna atan Indira Awaas Yojana nena kal kawpa hmalak tum a ni.

Meeting-ah hian Kelkang chung­chang pawh sawiho a ni a; biak-in bulah community sanitary complex pali siam tum a nih thu te, bawlhhlawh hâlna hmun pali-ah siam tum a nih thute leh, khaw dáiah bawlhhlawh paihna hmun siam tum a nih thute tarlan a ni.