Duhoma'n 'Remna Pa' vuah a phu: Liantlinga

ZNP vice president K Liantlinga chuan, an party president Lalduhoma chu Mizoramin remna a neih theihna tura engkim chàn huama inhlân awmchhun a nih avangin 'Remna Pa' tia vuah a phu niin a sawi.

K Liantlinga hian nimin khan ZNP party office-a inkhawmah thu sawiin, "Mizoram sorkar, MNF leh India sorkar laka remna palai hna thawktu Lalduhoma, IPS-in a hna leh eizawnna a bànsan a, Mizoramin remna leh muanna tluan­tling a neih theih nan dinhmun sang tak thleng thei khan dinhmun hniam zawk leh retheih pawh a tuar hreh lo a, palai rinawm tak a ni,” a ti.

ZNP Vice President sawi danin, rambuai laiin political party zawng zawngin an policy hmasa berah 'remna leh muanna siam' an duh vek a ni.