KHAWTHLIR

Assembly session

Governor Lt. Gen. Nirbhay Sharma chuan August 30, 2016-ah Mizoram Legislative Assembly
ṭhutkhawm a ko. Assembly session hi chawhma dar 10:30-ah ṭan a ni dawn a; tih tur pawimawhte chu speaker Hiphei hoin ngaihtuah a ni ang.

ZDU-in dem

Zoram Drivers Union (ZSU) chuan thuchhuah siamin, "Tunlaiin Mizoram chhunga gas phurh luh chungchangah kan Mizo puite ngeiin harsatna siamin, gas phurtu dan an ni hian hi kan dem tak zet a, tun hnuah hetiang thil thleng tawh lo se kan duh tak zet. CYMA hmalakna hi a tawp thlengin kan thlawp tlat a ni," an ti.

In sak khap

Kolasib DC H Lalengmawia chuan thupek chhuahin, NH-154 (km. 0-28) kawngpui reserve area chunga in sa tawh leh sa mekte chu chhunzawm tawh lo turin a hriattir a; in awm tawh sate pawh September 2016 ral hma ngeia inthiarfihlim tur a hriattir bawk.

Sut turin ngen

MSU leh Aizawl City College Joint Students’ Union (ACCJSU) hruaitute chuan nimin khan Higher & Technical Education minister R Romawia a pisa-ah an kawm a, tun hnaia HTE department-in sorkar hnuaia college hrang hranga pawn lam mi (politician/outsider) te speech/lecture pek a khap chungchang an sawipui a, zirlaite rah behna leh, democracy palzutna a ni a ngaiin, order hi sût leh turin an ngen.

Eng awm dawn lo

Zuangtui 132 KV Sub-Station aṭanga Aizawl Power House hmuna kawlphetha pekna 33 KV line chu vawiin hian thlak chhunzawm a nih dawn avangin zing dar 6 - 10 inkarah he line-ah hian kawlphetha pek chhuah a ni dawn lo. Hnathawh hun chhung hian Electric Veng, Chhinga Veng, Dawrpui, Zarkawt, Chanmari, Tuikual South Veng ṭhenkhat, Treasury Square, Chaltlang Dawrkawn leh a chheh
-vel, Ramhlun PWD mual, Laipuitlang, Aizawl Venglai, Ramhlun North leh South, Ramthar leh Ramthar North-te'n power supply an hmu dawn lo.