Khaw pahnihah NLUP sem

Agriculture department chuan August 19 & 20 khan Sialsuk leh Aibawkah NLUP third phase leh fourth phase hnuaiah ṭanpuina an sem a, bial-tu MLA KS Thanga'n chhungkaw 246 hnenah a hlan.

NLUP third phase leh fourth phase dawngtute hnenah hian second instal-ment atan leilet WRC-I ah Rs. 45,000, WRC-II ah Rs. 44,000, oil palm-ah Rs. 40,000 leh fú-ah Rs. 32,000 ṭheuh pek a ni a; Rs. 1,02,82,000 sem chhuah a ni.

Parliamentary secretary KS Thanga hian August 20 khan Sailam rama Upper Lau leilet hmuna Agriculture department-in NFSM leh PKVY scheme hnuaia an hmalaknate a hmunah a enpui bawk a; Agriculture department hotute chuan, Upper Lau leiletah hian New Economic Development Policy hnuaia purûnsen chìnna tuma hma an lak dawn thu an sawi.