RT-PCR kháwl 3 tan nuai 181.72 séng

Health minister Dr R Lalthangliana chuan, swab sample endik nan Mizoram sorkarin hma a lak thu leh, sorkarin RT-PCR khawl pathum a neih tawh atana sum sen tawh zat chu cheng nuai 181.72 a nih thu a sawi. Aizawl bikah chawlhkar khat inkhàrkhip chhungin swab sample lâk 13,812 zinga 5,751 chu ZMC-ah endik a ni a, Covid-19 vei mi 125 hmuh a ni.

Dr R Lalthangliana hian September 17, Ningania Aizawla partial lockdown puan chhunzawm chungchang ngaihtuahnaah, "Sorkar chuan mi dang ta hawh ngawta innghat loin RT-PCR khawl neih dan a ngaihtuah a, tunah hian RT-PCR khawl pathum hmangin mahni ram chhungah test kalpui mek a ni a, heng atana senso tawh chu Rs. 1,81,72,108 a ni," a ti.

Ṭhutkhawm chungchanga sorkar thuchhuah tarlan danin, September 10, 2020 zanlai aṭanga AMC huam chhunga partial lockdown kalpui a nih aṭanga September 17, Ningani chhun thlengin Aizawl khawpui bikah swab sample 13,812 lâk a ni tawh a, ZMC laboratory-ah September 16, Nilaini zan thleng khan sample 5,751 endik niin, Rapid Antigen Test hmangin sample 84 endik a ni bawk.

RT-PCR kháwl 3 tan nuai 181.72 séng

Ném zawka inkhârkhip chhungin, September 16 thleng khan AMC area-ah Covid-19 vei mi 125 hmuh chhuah a ni a, September 17-a hmuh chhuah nen chuan mi 153 an tling tawh thung.

Health minister Dr R Lalthangliana chuan, Covid-19 hripui chu Mizoramin a hmachhawnna turah sorkarin theihtawpin hma a la tih sawiin, "A tìrin test-na hmun kan neih mai loh avangin sample 58 chu state dangah thawn a ni. Mahni ramah ngeiah test a nih theih nan ZMC-a test theihna tur hmun duangin, RT-PCR kháwl hawhin bul ṭan a ni," a ti a; April 7, 2020 aṭangin ZMC-ah swab test ṭan a nih thu a sawi.

Health Minister chuan, swab test tih nan sorkar laipuiin TrueNAT kháwl hman a phal veleh hma an la nghal nia sawiin, "Central sorkar TB Division aṭanga TrueNAT khawl dawn hmangin June 12, 2020 aṭangin Lungleiah test neih ṭan a ni," a ti a; Rapid Antigen Test chu August 6, 2020-ah hman ṭan a nih thu a sawi bawk.

Minister Dr R Lalthangliana sawi danin, Chief Minister’s Relief Fund (CMRF) aṭangin TrueNAT Quattro Micro PCR khawl 10 lei a ni a, chu'ngte chu district hospital tinah dah tura tih niin, a dahna tur hmun siam nan state sorkar aṭangin sum an dawng.

No.    Sum hmanna    Hman zat    Sum hmuhna

1.    Re-agents & consumables     Rs. 1,31,23,463    CMRF: Rs. 58,10,649

    for RT-PCR    NHM: Rs. 5,03,622

            State: Rs. 28,12,000

2.    Works    Rs. 14,27,670    CMRF: Rs. 10,41,000

3.    Diet for ZMC quarantine staff    Rs. 23,20,975    CMRF: Rs. 4,24,790

4.    Mobility support    Rs. 8,00,000    CMRF: Rs. 4,00,000

5.    Wages    Rs. 5,00,000    CMRF: Rs. 3,24,000

    TOTAL    Rs. 1,81,72,108

1.    TrueNAT Quattro    Rs. 2,01,15,000    CMRF: Rs. 2,01,15,000

2.    TrueNAT hmanraw hrang hrang    -    CMRF: Rs. 1,18,68,830

2.1    Autoclave (size 3’x2’x1’)    Rs. 4,98,432

2.2    Steel tray (normal size)    Rs. 2,250

2.3    Refrigerator (4-8 deg. C)    Rs. 8,09,200

2.4    Air conditioner    Rs. 3,36,000

2.5    Pipette set (500-1000µl)    Rs. 1,02,272

2.6    Pipette stand    Rs. 53,856

2.7    Pipette tips (large)    Rs. 29,920

2.8    Working table    Rs. 2,05,500

2.9    Revolving chair    Rs. 72,000

2.10    Computer table    Rs. 66,600

2.11    Computer chair    Rs. 64,800

2.12    Biosafety cabinet 2A/2B    Rs. 46,72,800

2.13    Biosafety cabinet    Rs. 2,98,540

2.14    Rack    Rs. 48,000

2.15    Almirah (small)    Rs. 92,000

2.16    Desktop computer    Rs. 3,52,000

2.17    Scanner with printer    Rs. 52,000

2.18    Deep freezer (-80 deg. C)    Rs. 30,10,000

2.19    Online UPS backup (5kVA)    Rs. 8,82,000

3.    Civil works for 9 districts    Rs. 62,51,000    State: Rs. 62,51,000

    TOTAL    -    Rs. 3,82,34,830

1.    17,500    Free    ICMR

2.    10,000    Rs. 45,92,000    NHM

3.    20,000    Rs. 91,84,000    CMRF

4.    10,000    Rs. 45,92,000    State

TOTAL     57,500    Rs. 1,83,68,000