Health Minister-in Saiha damdawi-in tlawh

Health minister Lal Thanzara chuan nimin khan Saiha District Hospital sak mek a tlawh a, hna thawh dan a enfiah. Damdawi-in sak mek atan hian cheng nuai 988 ruahman a ni.

Health Minister hian district hospital-a thawkte leh Saiha-a Health department official-te a kâwm a, an harsatna neihte a ngaihthlaksak. Saiha damdawi-ina thawkte chuan, doctor an nei ṭha thawkhata an hriat thu an sawi rualin, quarters leh hmanrua lamah an pachhiat thu an lo hrilh.

Saiha District Hospital sak mek hi basement tiam loin, Zopa chhiarin chhawng li tur a ni a; work order-a a lan dan chuan September 6, 2016-a sak zawh tur a ni.