Aizawlah 'Hmeichhe Tleirawlte Ni' hmang

Aizawl Urban ICDS Project hnuaia circle parukte chuan, Remna Ni pualin nimin khan Hmeichhe Tleirawlte Ni (Kishori Diwas) an hmang a; Aizawl West Circle leh Central-II Circle hnuaia mite'n Electric Veng YMA Hall-ah an hmang.

Kishori Diwas hmanna hi ICDS circle officer (West Circle) F Sangmuana'n a kaihruai a; advocate T Lalnunsiama'n danin mihringa sumdawnna a khap dan leh chumi laka him theih dan tur a sawi. Don Zothanliana'n hmeichhe tleirawlte'n rilru hrisel an neih theihna tura pawimawhte a sawi a; Sepcialized Adoption Agency-a coordinator Lal­biak­zuali'n 'Tunlai khawvel leh tleirawlte' tih thupui a sawi bawk.

ICDS Central-I Circle chuan Ram­hlun South YMA Hall-ah 'Hmeichhe Tleirawlte Ni' hmangin, veng 17 aṭangin tleirawl 320 vel leh anganwadi worker 32 an tel. VLC Vanlalhriatrenga'n rem­­na pawimawhna a sawi a, Robert Khiangte-in HIV leh rilru natna (depression) chungchang a sawi.

Ministry of Women & Child De­velopment chuan kum 2010 khan tleirawlte tan 'Rajiv Gandhi Scheme for Empowerment of Adolescent Girls' a duang a, India rama district 200-ah kalpui niin, hmeichhe tleirawlte chu nunphung hrisel zawk zirtir ṭhin an ni.

RGSEAG hnuaiah hian Mizoramah chuan tleirawlte hnenah nutrition item pali - motor chánâ, buhfai, badam leh dâl pek ṭhin an ni.