Republic Vengin an zirlai tiṭhate tan lawmman siam

Republic Veng Local Council-in zirlai tiṭha zualte hnena pek tura an duan, Incentive Cash Award chu nimin khan an veng community hall-ah mipui hriat turin an tlangzarh.

Republic Veng LC hruaitute chuan, tun aia zirna lama an vengin hma a sawn lehzual theih an beisei vang te, zirna an ngai pawimawh a ni tih veng mipuia inzirtirna atante leh hlawhtlingte lawmpui a, a hlawhtling lote pawhin hlawhtling ngei tura ṭan an lakna tura infuih nan Incentive Cash Award hi an duang tih an sawi.

An veng mi HSLC leh HSSLC top 10-a langte chu Rs. 15,000 a pe dawn a, topper an awm chuan Rs. 15,000 bakah bonus pek an tum a ni.