Zirtirtu training ṭha duh lote chawlhtir tum

Parliamentary secretary (School Education) Joseph Lalhimpuia hoa a pisaa June 29, 2015-a department hotute ṭhukhawm chuan, SSA zirtirtu, training tura tih tawh, tiṭha duh lote chu an hna aṭanga chawlhtir dan tur an ngaihtuah nia thu dawn a ni.

Joseph Lalhimpuia chuan, sorkar laipuiin zirtirtu zawng zawng training tura a tih angin, Mizoramah pawh zirtirtute training tir mek an nih thu a sawi a; la training lote chu department-in an training dan tur ngaihtuah­in, DIET-te pawh seat an neih zat aia tam admit tura ngen an ni a, sorkarin duhsak taka an training theih dan tur kawng a zawnsak chunga ti ṭha duh lote chu an hna aṭanga chawlhtir mai a ṭul dawn tih a sawi.

Meeting-a an sawi dan­in, SSA hnuaia zirtirtu, la training lo mi sang khat chuang chu nikum khan DIET-ah training tir an ni a, la training lo leh training la zo lote chu an training dan tur ngaihtuah mek a ni. Meeting chuan, thuneitute'n duhsak taka an training tir chunga tiṭha duh lote chu an hna aṭanga chawlhtir mai an rel a ni.