MPCY-in AMC sorkar an fak

MPC party ṭhalaite chuan thuchhuah siamin, Aizawl Municipal Council (AMC) sorkarna chelh­tu, Congress leh MPC thawkhoin inlungrual leh chak takin AMC sorkar an kalpui niin an tarlang a; AMC chairman CT Zakhuma kaihhruai sorkar chu an chhuan thu an sawi.

MPCY chuan, AMC sorkarin Aizawl khawpui chhung hmasawnna hna, mipuite tana ṭul leh pawimawh, ṭangkai leh chhawrnahawm tak tak an thawk zel niin an sawi a; tun hnaia Zarkawt leh Zemabawka vantlang inthiarna changkang tak an siamte chu khawpui thianghlimna leh mipuite zângkhaina tur an ngaih pawimawhzia lanna a nih thu an sawi bawk.