Covid-19 vei hmuh tawh zingah Mizoram chhunga kai mi 368
Mizoram aṭangin Covid-19 vei hmuh chhuah zat chu mi 1,534 an tling tawh a, chu'ng zinga mi 368 chu Mizoram chhunga kái chhâwng (local positive contact)-a ngaih niin, a bak zawng, mi 1,166 chu state páwn aṭanga rawn lut an ni.
Mizorama hripui vei hmuh chhuah tawh zinga local positive contact aṭanga kai mi 368-te hi hmuh tawh zawng zawng aṭangin 23.99% an ni a, positive zinga state páwn aṭanga rawn haw mi 1,166-te chu 76.01% an ni.
Mizoram Integrated Disease Surveillance Programme (IDSP) tarlan danin, Mizorama Covid-19 kai tawh mi 1,534 zinga mi 839 chu civil mi (hnam dang telin) an ni a, chu chu 54.69% a tling. State pawn aṭanga Mizorama rawn lut tur lirthei khalhtu leh puitute endik aṭangin hripui vei mi 183 (11.93%) hmuh chhuah a ni tawh.
Sipai (army) leh paramilitary force hrang hrang zingah Covid-19 vei mi 512 hmuh chhuah a ni tawh a, vei hmuh tawh zat aṭangin 33.38% a ni. Paramilitary force hrang hrang zingah BSF mi leh sa hripui vei an tam ber tawh a, mi 312 niin, chu chu hripui vei hmuh chhuah tawh zawng zawng aṭangin 20.34% a ni a; a dawttu Assam Rifles zingah hripui vei mi 126 (8.21%) hmuh a ni tawh bawk.
Mizorama Covid-19 positive hmuh tawh zingah Mizoram páwna hmuh chhuah pakhat (Guwahati Medical College-ah) a awm a, Zoram Medical College laboratory-a hmuh chhuah mi 1,181, TrueNAT-PCR hmanga hmuh chhuah mi 107 leh, Rapid Antigen test hmanga district hrang hranga hmuh chhuah mi 245 an awm tawh a ni.
Mizorama Covid-19 vei hmuh tawh dan
Category Kai Chhuak Vei Kai tawh
zat tawh zat mek aṭanga %
AR 126 96 30 8.21%
NDRF 32 32 0 2.09%
BSF 312 218 94 20.34%
CRPF 4 3 1 0.26%
Army/CIJWS 20 5 15 1.30%
BRO/BRTF 18 0 18 1.17%
Sub-Total 512 354 158 33.38%
Trucker 183 169 14 11.93%
Civilian 839 426 413 54.69%
TOTAL 1,534 949 585 100%
(Note: Data-ah hian nimina chhuahtirte telh a ni lo)