PYD-in Social Work Day an hmang

UPC (NEI) ṭhalai, Pentecostal Youth Department (PYD) chuan, nimin khan India hmarchhak huapin 'Social Work Day' an hmang a, khawlai leh damdawi-inte tifaiin an hnatlang.

PYD Social Work Day-ah hian Aizawla PYD member-te chuan Aizawl Civil Hospital, Mizoram State Cancer Institute leh Cancer Khualbuk, Zemabawka mite tifaiin an hnatlang a, damlo leh thawktute tan ei tur an sem nghal. Rajiv Ghandhi Stadium tihfai hna an thawk a, vantlang tan Ngaizelah zun-in an siam bawk.

Lunglei khawpuia PYD member-te chuan Tlawng lui leh a chheh-velah thing an phun a; thingtlang bial tam zawk chuan khaw chhunga zun-in leh hmun pawimawhte an tiffai. Meghalaya, Assam leh Manipur-ahte pawh Social Work Day hi an hmang a ni.