Lianchhiari Rûn-ah mini theatre hawng

Information & Public Relations (IPR) Directorate-a Lianchhiari Rûna mini theatre siam thar chu nimin khan IPR secretary Betsy Zothanpari Sailo-in a hawng.

Mini theatre hi mi 100 len theihna tura duan niin, laser projector leh bungraw changkang tak taka thuam a ni a; lemchan (film) man chawia chhuah theihna tur a ni. Hawnna inkhawm hi IPR director C Lalnunkima'n a kaihruai.

Betsy Zothanpari Sailo chuan, mini theatre hawn chu lemchan lama tuite hmasawnna tur a nih thu sawiin, "Tun hnaiah Mizoramin film siam kawngah nasa takin hma a sawn a, mipuite'n an hlut zel hi a lawmawm. Film tihhmasawn nana app siam a ni leh film tihhmasawn kawnga sorkarin theihtawp chhuah a inhuam hi thil lawmawm tak a ni," a ti.