Khawzawlah V/C bye-election

Nimin khan Khaw-zawl Electric Vengah village council bye-elec-tion neih a ni a, tluang takin vote thlak a ni.

Khawzawl Electric Veng V/C bye-election-ah hian zing dar 7-ah vote thlak ṭan a ni a, tlai dar 5-ah vote thlak hun khar a ni. Returning officer Lalrinzuala, Khaw-zawl BDO sawi danin, vote tla hi 72% chuang hret a ni a; nimin khan vote chhiar nghal ni mah se, result kan hre hman lo.

April 2015-a V/C inthlanpui ruala inthlan ve theih lohna, Khawzawl Electric Vengah hian V/C seat panga a awm. General seat pali-ah Congress candidate pali, MNF candidate pathum, ZNP candiadate pakhat leh independent candidate pakhat an awm a; hmeichhe seat pakhat chuh turin Congress party leh independent candidate pakhat ve ve an awm a ni.