CSS Hindi zirtirtute hlawh tur dawng

Mizoram sorkar chuan, centrally sponsored scheme (CSS) hnuaia Mizoram sorkara Hindi teacher 1,305-te thla hnih hlawh tur Rs. 6,31,94,568 a dawng.

School Education department aṭanga thu dawn danin, CSS hnuaia Hindi zirtirtute hlawh tur hi August 19, 2016 khan Ministry of Human Resource Development (MHRD)-in a rawn pe chhuak a, August 21 khan Mizoram sorkarin a dawng a ni.

CSS Hindi teacher-te hlawh tur hi thla hnih - kumin January leh February thla hlawh tur a ni a; tunah hian Finance department-ah allocation tihfel tum mek niin, Finance-in a pek chhuah veleh zirtirtute hlawh pek tum a nih thu, School Education department hotute chuan an sawi.

Thu dawn danin, CSS hnuaia Hindi zirtirtu mi 1,305-te hian kuminah hlawh an la la lo a, thla hnih hlawh pek ni dawn mah se, thla nga, March-July chhung hlawh an la la thei dawn rih lo a ni.

School Education depart-ment hotute chuan, kumin January leh Feb-ruary thla hlawh hi an pek chhuah veleh MHRD-ah report an pe thla nghal ang a, report pek hnuah MHRD chuan thla dang hlawh pawh rawn pek leh nghal a tum niin an sawi.