Lawngtlaiah District Youth Convention

Nehru Yuva Kendra, Lawngtlai leh Lawngtlai Electric Veng MHIP ṭang-kawp chuan, nimin khan Lawngtlai Circuit House meeting hall-ah thalaite intawh khawmna hun ‘District Youth Convention’ an buatsaih a, DC Dr. A Muthamma-in a hman pui.

Lawngtlai DC chuan ram hmasawnna atan
ṭhalaite pawimawhzia sawi-in, “Sorkar hma lakna hrang hrangte a hlawh-tlin theih nana theihtawp chhuahpui turin ṭhalaite’n an chhuah a pawimawh,” a ti a, ṭhalaite chu an hriselna ngai pawimawh a, an theihna leh thiamnate ram tana chher hriam zui zel turin a chah.

Thusawitu dang, Nehru Yuva Kendra Sangathan (NYKS) Aizawl Zone-a zonal director Sukharam Bishnoi chuan Lawngtlaia Youth Club te’n an tih tur an hlen chhuak tha hle tih sawiin, ṭhalaite chher hriam nana pawl tangkai tak NYK hnuaiah Youth Club din belh zel turin a sawm.

Convention hi Lawng-tlai Sub-Headquarters MHIP president Vanlal-hlupuii Fanai-in a kaihruai a, Lawngtlaia Youth Club 20 chuang hnenah foot-ball leh volley-ball leh net te sem chhuah a ni.