Aizawl Taxi Workers Union-in lungawi lohna lantir an tum

Aizawl Taxi Workers Union (ATWU) chuan thuchhuah siamin, sor-karin taxi intlân chhâwk tura a tih chu an duh loh thu an tarlang a; intlân chhâwk tura tih tawh sût phût nan naktukah Transport department directorate-ah sitting demonstation huaihawt an tum.

ATWU tarlan danin, Transport directorate kawt-ah hian chawhma dar 10 aṭanga tlai dar 5 thleng sitting demonstation neih an tum a, taxi enkawltute a náwlpuia tel loin, an pawl office bearer-te chiah an tel dawn a ni.

ATWU chuan, "Sorkar hmalak tum dan leh a hma-lak tawhnate ṭha kan ti lo a, mi ennawnsak leh a, hma min laksaka min tihhlawh-tlinsak turin Mizoram sorkar hi a ngen tak zet a ni," an ti.

ATWU-te hian taxi intlân chhâwk bakah, lifetime tax lak danah sumdawnna lirthei leh mimal lirtheite ruakhai taka kalpui te, taxi kum 10 tling tawh a thara thlak hun atan hun bituk (thla ruk)-te an duh loh thu an tarlang a ni.