Congress leh MNF party-in mipuite Phurrit an rochun a ni - MPC President

MPC party president Lalhmangaiha Sailo chuan, Congress leh MNF party-te'n Mizorama kum 30 chuang sorkarna an chelh chhungin mipuite phurrit chi hrang hrang an rochun nia sawiin, "Zoramin retheihna leh pachhiatna a tawng mek hi pawi ka ti em em a ni," a ti.

Nimina MPC pisa Durbar Hall-a inkhawmah thu sawiin, Lalhmangaiha Sailo chuan, Mizoramin harsatna a tawh mek lak ata ram leh mipuite chhanchhuak turin MPC policy a tling tâwk niin a sawi a, "Sorkarna siam a, ram kaihruai turin a ngaihna kan hria a, kan chhanchhuak thei a ni," a ti a; Zoram hmasawnna lama ke pên puiah Mizoram mipuite a sáwm.

Lalhmangaiha Sailo chuan, Mizo-ram leilung hausakna aṭangin chhiah tam tak siam theihna tur kawng a awm nia sawiin, "Congress leh MNF party-te'n kum 30 chhung a ngaihna hre loa an pal liam mai mai vanga mipuite'n chhiah sang tak taka kan pek ṭhin hi pawi ka ti," a ti bawk.