MLA-in leminna hmun a tlawh

Kepran khuaa leimina hmun chu August 22, 2016 khan bialtu MLA, RL Pianmawia'n a tlawh a, lei min zel thei ven dan tur sorkar official-te nen an enfiah.

MLA hoa leiminna hmun enfiahnaah hian, lei tla leh mai thei tura langte chu zál deuha paih thlak belh ni se, PWD-in gabion wall siam se, an ti a; motor kaltlang reng thei turin PWD lamin vil ngun se an tih bakah, lei minna hmun chu Geology & Mineral Resources department-in uluk zawkin zir chiang se, tiin an rawt.

Kepranah hian August 20, 2016 khan leiminin in pathum a minpui a, in pakhat erawh chu a chim hmain ṭhiah a ni. Leimin hian metre 69-a thui a huam a, lei tlahniam hi a ṭhen laiah chuan ft. 12-a thûkin a khi chat a ni.