Lokayukta dan thar zirho

MZP chuan nimin khan Aizawla IPR Auditorium-ah The Mizoram Lokayukta Act zir chianna an buatsaih a, Law & Judicial minister Lalsawta'n a hmanpui.

Minister Lalsawta chuan, sorkarin sum harsatna a tâwk chungin eirukna dotu tur Lokayukta din turin chak takin hma a la mek zel tih a sawi a, "Sorkarin Lokayukta din a ngai pawimawh a, din fel thuai a ni ang," a ti.

The Mizoram Lokayukta Act zir chiannaah hian Political party leh tlawmngai pawl hrang hrang hruaitute an tel a, Law & Judicial joint secretary Zahmingthanga Ralte-in thupui a sawi a ni.