Thanzara’n IMR tihhniam dan tur a sawipui
Health minister Lal Thanzara chuan nimin khan Saiha-a IPR conference hall-ah Mara Autonomous District Council hotute, Health department-a thawkte leh tlawmngai pawl hrang hrangte a kâwm a, infant mortality rate (IMR) chungchang a sawipui.
Health Minister chuan, Saiha district-a infant mortality rate (IMR) sang lutuk tihniam turin sorkarin theihtawp a chhuah a, kawng hrang hrangin hma a la tih a sawi a, “IMR tihniam tur hian Health department chauh chuan hma kan sâwn chak lo a, thawhhona ṭha tak kan neih chhunzawm zel theih nan sawihopui turin ka sawm duh che u a ni,” a ti.
Lal Thanzara chuan, nausen thihna tihtlem a, IMR tihhniam nana thil pawimawh hrang hrang leh hmanraw mamawhte chu sorkarin a theih ang angin a ngaihtuah zel dawn tih a sawi.
Meeting-ah hian MADC chief executive member mawhphurhna la mektu N Zakhai, Mara Chano Py (hmeichhe pawl) leh Mara Student Organistion (MSO) aiawhte pawhin thu an sawi.