Lawngtlaiah Land Record chungchang sawiho

Nimin khan Revenue secretary Zothankhuma hoin Lawngtlai DC conference hall-ah, Lai Autonomous District Council leh Chakma Autonomous District Council chhunga National Land Records Modernization Programme hman dan tur inhrilhfiahna hun an hmang.

Zothankhuma chuan, National Land Records Modernization Programme kalpui a nih tawh chin leh hmabak la awmte a sawi a, “Lawng­tlai district leh Saiha district-ah pawh kum 2016-17 chhunga thawh zawh tur a ni a, hna thawh dan turah district council hotute nena sawiho tura lo kal kan ni,” a ti.

Meeting hi Lawngtlai DC J Hmingthanmawia’n a kaihruai a, LADC leh CADC-a executive member (Revenue) bakah Revenue officer leh technical lama mawhphurhna neite an tel a; Land Revenue & Settlement director R Lalramnghaka’n National Land Records Modernization Programme kalphungte a sawifiah.