AMC-in Property Tax an khawn chhunzawm

Aizawl Municipal Council (AMC) chuan nimin khan AMC Ward-I huam chhunga Durtlang leh Leitan Local Council-ahte Property Tax a khawn chhunzawm.

AMC executive councillor (Revenue) Hmingthanzami sawi danin, Property Tax khawntute hi Durtlang leh Leitanah an ṭhu a, in ding lai aṭang chauhin chhiah hi lak a ni.

June 18, 2015-a chhiah khawn an chawlh­san lailawk hmaa ram âwl aṭanga chhiah an lo lak tawhte erawh chu state sorkar thuràwn angin a petute hnenah pek kîr leh a ni.

Property Tax hi khawn chhunzawm zel tur a ni a, Durtlang leh Leitana an tih zawh hnuah Durtlang North, Selesih leh Zuangtuiahte an khawn leh ang. AMC pisaa pe duh tan pek theih a ni bawk.