Earthquake Drill neih dan tur sawiho

Chief secretary Lalmalsawma hoin nimin khan Secretariat conference hall-ah July, 2015 chhunga lirnghing thlen thulha chêt lâk dan tur zirna ‘Earthquake Drill’ buatsaih dan tur an thlirho.

Administrative Training Institute (ATI) head faculty Dr Lalrokima Chenkual-in chhiatrupna a thlen palha hma latu tur state level leh district level-a mawhphurtute inkhai chhawn dan leh an hnathawh tura rua­hmante a sawi a; Disaster Management & Rehabilitation-a district organiser Zothansanga Hmar-in earthquake drill buatsaih dan tur a sawifiah.

Meeting-ah hian earthquake drill buatsaih huna department hrang hranga mawhphurtute’n harsatna an tawh theihte leh a sutkian dan turte sawiho a; mawhphurhna hrang hrang changtute chu an mawhphurhna leh chanvote ṭha taka hlen tura beisei an nih thu an tarlang.