MZU-ah Digital India zirho

25th August, 2016

Mizoram University-a NSS Cell chuan nimin khan MZU-ah Digital India chungchang zirhona an buatsaih a; MZU vice chancellor Prof. R Lalthan-tluanga leh ICT department secretary Lalhmachhuana ten an hmanpui.

Workshop hi Sorkar laipuia Department of Electronics and Information Technology ngenna anga buatsaih a ni a, senso pawh MZU nen an intum sem. Workshop-ah hian India rama university 25-te'n video conferencing an nei a, Union minister-in hmanpuiin, thu an sawi.

Workshop-ah hian Mizorama college 20
aṭangin National Service Scheme (NSS) volunteer 200 leh programme officer 20 an tel a; Digital India main film chhuah a nih bakah, quiz, poster, skit leh zawhna leh chhannaah college 20-te an inel a ni.