Chhiatrupna thlena inbuatsaihna sawiho

Lawngtlai District Disaster Management Committee chu nimin khan an chairman Dr Muthamma, Lawngtlai DC hoin DC conference hall-ah an ṭhu-khawm a, thil pawimawh hrang hrang an sawiho.

Lawngtlai DC chuan, Mizo-ram chu chhiatrupna thlen thut theihna hmun hlauhawm berte zinga mi a nih avangin, chhiatna thleng thei hmachhawn dan tur uluk taka zir a, inbuatsaih a
ṭul thu a sawi a; member-te chu DDMC hma lak dan tur ngun taka ngaihtuah turin a sáwm.

Committee chuan hmalak dan tur hrang hrang an ngaihtuah a; block level leh village level committee din thar te, chhiat-rupna hmachhawn dan tur zirhona (training/workshop) buatsaih te, mipuite hnena sem darh tur thuchhuah siamte leh chhiatna hmachhawn dan a tak anga chan chhinna (mock drill) buatsaihte an rel.

DC Office-in District Disaster Management Plan leh Constitution an buatsaih chu peih ṭep a nih tawh thu meeting-ah hian tarlan a ni.