Sorkar hmalak tum danah MPC party ṭhalai an lawm

MPC ṭhalaite chuan thuchhuah siamin, Aizawl DC hoa sorkar mi pawimawhte ṭhu-khawmin, national day lawm leh huna sikul naupang parade-a telte luhaia an tlûk tawh lohna tura ruahmanna an siam chu lawmawm an tih thu an tarlang a; chutih rualin, Esther Lalvenpuii chu an ngaihthah nia an ngaih thu an sawi.

MPCY chuan, Inde-pendence Day vawi 70-na lawmna hman dan thlir letnaah parade-a tel ve tur Esther Laldinpuii, Hrangchhuana High School thih chungchang chu an ngai pawimawh turah mipuiin an ngai niin an sawi a, "Parade an zirna aṭanga vanduaina tâwka thi chhungte zangnadawmna pe ngei tura ruahmanna an nei lo hi hriatthiam harsa kan ti a, Mizoram sorkarin Esther Lalvenpuii thihna hi a ngaihthah luiah kan ngai a, kan dem tak zet a ni," an ti.