Serchhipah retailer-te Bûklung endik

Serchhipa Legal Metrology hotute chuan, nimin khan Serchhip khawpuia retailer-te kokhawmin, buhfai leh thil dang hralh chhuahnaa an hman ṭhin bûklungte a dik leh dik loh an enfiahsak.

Legal Metrology inspector Lalsangzuala chuan, danin a phût angin retailer-te bûklung dik leh dik loh kum tin vawi khat tal endik a nih ṭhin thu a sawi a; retailer-te chu kudam aṭanga weighbridge hmanga bûk vek hnu buhfai an lak tawh avangin mipuite hnenah pawh dik taka bûk ngei hralh turin a chah.

Bûklung enfiahte hi an dik tlangpui hlawm a, thil tê tham siamṭhatsak erawh pahnih/khat an awm.