Ruihhlo ngaite enkawl dan zirho

Mizoram Social Defence & Rehabilitation Board (MSDRB) leh Ministry of Social Justice & Empowerment chuan February 4-5, 2025 khan MSDRB Training Hall-ah ruihhlo ngai enkawltute tan training an buatsaih a; Social Welfare & Tribal Affairs joint secretary Zonunthari'n a hmanpui.

Training-ah hian Mizorama ruihhlo ngaite enkawlna hmun hrang hranga thawktute an tel a; an pawimawhna, mawh­phurhna leh ruihhlo ngaite enkawl dan tur hrang hrangte Aizawl West College Psychology department associate professor Dr Lalremruati leh Mizoram Drug User Forum president Lalduhawma Chawngthu ten an hrilhfiah a ni.