Heroin leh methamphetamine man

Excise & Narcotics department (END) leh Assam Rifles ṭang dun chuan February 4, Thawhlehni khan hmun pahnihah heroin leh methamphetamine an man a; END-in Narcotic Drugs & Psychotropic Substances Act, 1985 tlawhchhana thubuai ziak lutin, nimin khan court-ah an hruai.

END leh AR-te chuan February 4 chawhnu dar 2:20 khan Zote ram chhunga Ṭiau lui bulah metham­phetamine kg. 2.222 (mûm 20,200) an man a; a neitua puh mi pahnih - Sumlamthang (35) s/o Chinsawmpau, Bulfek, Myanmar leh Zam­ngaihno (36) s/o Khup­sawmmang, Bukphir, Myanmar nia inchhalte an man nghal.

END chuan February 4 vêk tlai dar 5:40 khan Khatlaah Kapchina (34) s/o Menzavunga, Khaw­mawi, Myanmar leh Naman Uddin (32), Eraligool, Patharkandi, Karim­ganj district, Assam-a nia inchhálte hnen aṭangin heroin gram 246 (hawng 23) an man a; heroin phurh kualna atana an hman SML truck MZ-04 A-4454 leh WagonR car AS-10 G-9038 an hrènsak bawk.