Friendly football match buatsaih

Assam Rifles-te chuan nimin khan Siahaah Friendly Football Match an buatsaih a, AR sipaite leh tualchhung mite an inkhel. Inkhelh hi AR leh tualchhung mite inkarah inṭhian ṭhatna leh thawhhona ṭha a awm theihna atana buatsaih a nih thu AR chuan an tarlang.

AR-te hian February 4, Thawhlehni khan Lungleia an damdawi-inah World Cancer Day pualin cancer laka inven dan leh natna hrang hrang laka inven dan inzirtirna an buatsaih a; rualchhung mi ṭhahnem tak an tel.

Assam Rifles hian February 4 vêk khan Siachangkawn khuaah Young Lai Association nen ṭang dunin medical camp an buatsaih bawk a; mi eng emaw zatte hriselna dinhmun an enfiah bakah, an mamawh ang damdawite a thlawnin an pe a ni.