Loan cheng nuai 3,525.27 pek remti

Mizoram Cooperative Apex Bank Ltd. Executive Committee chu nimin khan an Head Office-ah an ṭhu a, chairman Lalnunsanga'n a kaihruai. Society hrang hrangin Apex Bank-a share lei an dilnate enfiahin an pawm a; mimal, pawl leh kohhran hrang hrangin loan an dilna, a vaiin cheng nuai 3,525.27 chu pek turin an remti bawk.

MCAB-in loan pek chhuah an remtihte chu - mimal loan dilna - sumdawnna (business), thlai chin, ran vulh leh lo neih, housing loan leh PMEGP loan atan cheng nuai 2,245.27 te, kohhran hrang hrang biak-in sakna atan cheng nuai 1,280 a ni.

Apex Bank hian sorkar kum kal mekah deposit cheng vbc. 1,573 an dawng tawh a, loan cheng vbc. 1,199 pe chhuak tawhin, an CD ratio chu 76% a ni.