Rêl kawng atan hmun 4 ah lei verh tlang

North East Frontier Railways-in Bairabi leh Sairang inkara rel kawng an siam mekah leiverh tur 23 zinga pali chu an zo tawh.

Lei verh tlang tawh pali zinga an verh tlang hnuhnung ber chu Nilaini khan Kolasib DC H Lalengmawia’n a tlawh.

Kolasib DC chuan, Mizoram sorkarin chak taka hma a lakna kal zelah rel kawng laih hna thawk mekin hma a sawn zel tih a sawi a; tun anga contractor-te'n thâ thlah loa hna an thawh zel chuan zawh hun tura bituk, kum 2019-20-ah chuan zawh hman a nih ngei a rin thu leh, hna thawktute chu an harsatnaah puih a inhuam reng thu a sawi bawk.

August 23-a rel kawngin a paltlang tur lei verh tlang tâk hi Sushee company laih niin, Khamrang ram chhunga awm a ni a, metre 206-a thui a ni. Sairang rél kawnga lei verh tur zawng zawng chu km. 9-a thui a ni.