Taxi an lungawi lo

Aizawl Taxi Workers Union (ATWU) tih in-vuahte chuan sorkara an thil phût hrang hrang nawr nan nimin khan Chaltlanga Transport directorate tualah lungawi lohna an lantirin an ṭhukhawm.

ATWU hruaitute hi chawhma dar 10 aṭanga tlai dar 4:30 thleng a ṭhu a; an president Raphael Lalrinmawia chuan, an thil phût tihawhtling turin a tawp thlenga nawr an tum thu a sawi.

ATWU hian taxi intlân chhâwk an duh loh bakah, sorkarah phût chi hrang hrang an nei a ni.