KHAWTHLIR

Ruatfeli hmuak dawn

Mizoram State Olympic Association (MSOA)chuan, Rio Olympic-a India hmeichhe hockey team-a tel H Lalruatfeli chu vawiin chawhnu dar 3:30 hian CYMA Hall, Tuikhuahtlangah an hmuak dawn. MSOA senior vice president leh sports minister Zodin-tluanga bakah Hockey Mizoram aiawhte'n thu an sawi ang.

Thisen pe

Mizoram Law College chuan nimin khan Aizawl Civil Hospital-ah blood donation camp an huaihawt a, mipa 52 leh hmeichhia pasarihin thisen unit 59 an pe.

STAM conference

Science Teachers Association, Mizoram (STAM) chuan nimin khan Synod Conference Centre-ah General Conference vawi 31-na an hmang a, School Education director K Lalthawmmawia’n a hmanpui.

NLUP sem

AH&Vety department chuan nimin khan Serchhip P&E Veng YMA Hall-ah NLUP hnuaia vawk vulh thlangtu chhungkaw 152 hnenah
ṭanpuina sum an sem. NLUP ṭanpuina hi sem.

Congress chak

V/C seat panga awmna, Khawzawl Electric Venga August 23, 2016-a V/C thlannaah Congress party-in seat pali an la a, MNF thlawp independent candidate pakhat a tling bawk. Independent candidate tling hi hmeichhia a ni. He inthlannaah hian vote 72.21% a tla.

LC bye-election

Aizawla local council pathum Mission Veng, Chhinga Veng leh Chite Vengahte vawiin hian bye-election neih a ni dawn a, zing dar 7 aṭanga tlai dar 5 thleng vote thlak hun hawn a ni ang. Veng pathumah hian LC member pakhat ṭheuh thlan tur a ni a, inthlanna venga mite tan Mizoram sorkar chuan chawlh a puang a ni.

Loan pawm

Mizoram Cooperative Apex Bank Ltd. Board of Directors chu nimin khan an chairman T Lalmuanpuii hoin an ṭhukhawm a; mimal, pawl leh kohhran hrang hrang 76 hnena loan pek tur an pawm.