VHSNC pawimawhna zirho

Champhai district-a ASHA, health worker, VCP leh Sanitation & Nutri-tion Committee-te tan, nimin khan Champhai Veng-lai community hall-ah Village Health Sani-tation & Nutrition Com--mittee (VHSNC) chung-chang zir-hona buat-saih a ni a; National Health Mission (NHM) mis-sion director Dr K Lalbiak-zuala'n a hmanpui.

Dr K Lalbiakzuala chuan, mi tinin hriselna atan thawk vek an ni tih an hriat a ṭul tih sawiin, "Mi tin hian hriselna kawng kan zawng vek a, engtin nge hriselna hi kan neih vek theih ang tih zawn hi NHM-in a tum ber a ni," a ti a; khawtlang leh ram a hrisel theihna turin VHSNC-te'n mawhphurhna sang tak an neih thu a sawi.

NHM Director chuan, VHSNC hi ṭha taka kalpui a nih chuan khawtlangin hriselna kawngah nasa takin kan chhawr dawn tih sawiin, "Hriselna lama hmasawnna atan khawtlangin VHSNC aia ṭha kan nei chuang lo," a ti.

Champhai district-ah hian khaw 108 awmin, chu'ng zinga khaw 102-ah VHSNC din a ni tawh a; tunah hian khaw parukah din tura hmalak mek a ni.